منتديات السحلى

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

منتديات السحلى


    آلــو ..معـاك..النجـده

    avatar
    يسرى محمد


    المساهمات : 33
    تاريخ التسجيل : 17/08/2010

    آلــو ..معـاك..النجـده Empty آلــو ..معـاك..النجـده

    مُساهمة  يسرى محمد الثلاثاء سبتمبر 21, 2010 8:11 pm

    * تليفون أرضى يرن بصوت عالى غيرطبيعى

    *** ياساتر يارب مين بيطلبنا الصبح كده ؟ confused -

    آلو

    * آلو صباح الخير يا أفندم ... معاك بوليس النجده

    *** يانهارإسود..... النجده ؟ خير ؟

    * إحنا بنطلب سيادتك زى باقى الشعب

    وبنسأل لو فيه حد مزعلك أو حد

    معلى صوت التليفزيون ومش عارف تنام منه أأمر بأى حاجه

    تحت أمرك وفى خدمتك


    *** غريبة الحكاية دى ؟

    ومع ذلك شكرا أنا معنديش شكوى


    * مع السلامه

    *** مع السلامه

    التليفون يرن

    *** ألو مين معايا

    * إحنا الإسعاف يا أفندم

    *** ما أنا قلت إنه يوم إسود أستر يارب

    * إطمن خيرإحنا بس بنسأل سيادتك لو فيه حد من الأولاد عنده صداع ؟

    أو دخلت فى إيده شوكة لا قدر الله علشان نعمل اللازم

    *** لأ والله الحمد لله

    * طيب فيه حد من العيال قرصته ناموسه ؟

    أو معندوش حلويات مثلا ؟


    *** لأ الحمد لله شكرا مع السلامه Shocked

    غريبه الحكاية دى


    التليفون يرن

    **وبعدين بقـى آلو ياسيدى أوعى تقولى

    المرة دى إنك المطافى ؟


    * بالظبط يا أفندم عرفت إزاى ؟

    إحنا بنسأل وبنطمئن لو عندك سلك كهربا عريان أو مفتاح

    البوتاجاز بايظ أو بينفس

    أو ولاعات السجاير عندك بايظه مستعدين نعمل اللازم مجانا

    No No

    *** لأ شكرا جدا مع السلامه

    نجده ومطافى وإسعاف فى يوم واحد ؟ إيه ده ؟

    confused confused

    التليفون يرن

    *** أنا عارف إن اليوم ده مش هيعدى على خير

    *** آلو مين طالبنى المره دى

    * ألو إحنا شركات الميه والكهربا والغاز

    مجتمعين لمصلحة الناس إن

    شاء الله وكنا عاوزين سيادتك تحدد لمندوبنا

    ميعاد تكون فاضى فيه

    وموجود فى البيت علشان يقابل حضرتك

    *** ليه يابنى علشان إيه ؟

    أنا دافع دم قلبى فى الفواتير


    *** عارفين يا أفندم وعلشان كده

    حضرتك ليك عندنا مبلغ كبير كنا

    حصلناه منك على سعر زمـان ودلوقتى الأسعار نزلت قوى

    فعاوزين نرجع لك فرق المبلغ

    مع الشكر كمان



    *** أما غريبة والله طيب ياسيدى

    أنا مش رايح الشغل

    وقاعد فى البيت خليه يتفضل ويجيب الفلوس


    * حالا يا أفندم يوصلك المندوب بالفلوس

    * مع السلامه

    *** سبحان الله بقى الحكومة هترجع لنا

    الفرق 2والله كويس


    التليفون يرن

    *** آلو نعم أأمر مين معايا

    * شركة التليفونات مرحب يا أفنددم

    *** عاوزه إيه يا تليفونات

    هانم إنتى كمان ؟


    * نحب نبلغ حضرتك أننا عملنا لك

    إشتراك فى النت بسرعه عاليه جدا

    لمدة خمس سنين ببلاش ونبلغ حضرتك إن المكالمة من عندك

    لأى محافظة بقت ببلاش

    والمكالمة لأى دولة عربية الدقيقة بقرش ولأى دولة

    أجنبة الخمس دقايق بقرش

    وخلينا مكالمة الدول الأجنبية أرخص علشان نغيظهم

    ونعرفهم إننا أحسن منهم


    *** إذا كان على كده نبقى إحنا

    أحسن منهم ومن أبوهم كمان

    أنا متشكر جدا يابنى على الأخبارالعظيمة

    دى بس بصراحة

    أنا مش عارف أنام من التليفونات النهارده


    * نام يا أفندم فى أمان الله

    وممكن تشغل موسيقى هادية على التليفون

    ( دوس على زرار رقم 8 مرتين )

    وعندنا كمان حواديت للأطفال لو عاوز

    ( دوس على زرار رقم 5 تلات مرات )

    وكله ببلاش


    *** أنا متشكر جدا على الموسيقى

    والحواديت مع السلامه


    على الطلاق لو التليفون ده رن تانى

    لأرميه فى الشــــــــــــارع


    ( تدخل زوجته الغاضبة دائما وتقول له )

    ** ياخويا قوم بقى مفيش عندك غير

    النوم النوم وميت مرة قلت لك

    إبقى غطى نفسك كويس قوووووووووم


    *** فيه إيه يا وليه يا وش النكد إنتى

    ** علشان أعرفك النكد بجد بقى

    قوم كلم العسكرى اللى واقف لك مستنيك على الباب

    وبيقول إنهم عاوزينك فى القسم

    علشان تدفع الغرامة


    غرامة إيه يا وش النكد ؟

    غرامة استهلاك هواء زيادة والمشى

    فى الظل بدون تصريح


      الوقت/التاريخ الآن هو الخميس مارس 28, 2024 10:38 pm